Chanel機關槍

在日本雜誌看見這Chanel機關槍。先是打了個特，機關槍上印了Chanel的大名，忽然變得很達達。彷彿看見Marcel Duchamp的簽名尿兜fountain一般。藝術不藝術，閣下自理。

後來又想：真定假架？係咪有人玩野？
但又想：其實係真亦不足為奇。正如阿諾舒華辛力加可以做州長，劉德華可以做海豚訓練人員，說不定華仔一天可無啦啦穿上太空衣走進神州７號上太空，向鏡頭講聲：同志們，你地好嗎？！嘩！想想都高興。

人紅做什麼都特別順眼。所以玩野的未必是別人，可能就是Karl Lagerfeld自己？反正亂世中make noise 比make clothes要緊。
如果比我玩，我一定會幫Chanel出假陽具，起碼不似機關槍得個擺字。Karl Lagerfeld伯伯一定用得著嘛。