公主喎

今天於家中看到一本雜誌，看到一篇變身一日模，真係火都黎。
模特的樣貌身材經已不是重點。重點係該小姐把口講咩個腦諗咩。
劈頭一句就話：「只要我開聲，男友就咩都買比我！」之後勁數男友買相機手機ＬＶ袋daisy牛角tee, 又話：「洗唔夠咪問男友攞囉！最好唔洗做，公主最大心願就係搵到白馬王子歎世界。」
女人真係要係咁？為左Ｄ相機手機手袋衫褲鞋要做女友做到好似搵老細咁？
好多人都想做公主。之前以為係指著到靚靚有個好男友。原來唔係。而家係指懶靚攤o係到咩都唔洗做亦唔識做等人拯救等水魚養又要發人爛脾四又比鬼壓。
公主定巫婆？我真係唔識分。
唉。

自家曬網日

週六約了sandra, judy, selen, terence一起到sandra的studio曬網，由兩點玩到九點！
曬網其實好易，但由於我們用的感光劑有問題加上時間關係，我們要再找一個週六繼續。

雜

哥哥的千金

又生了！
哥哥的千金於９月１６日誕生。生了二天，７磅幾的肥Ｂ！辛苦娟娟了！
我一年內做完姨媽又做姑姐！我第日生都要生女啊！

last day

人情．冷暖．自知．
今天是我在silvereed的last day。沒甚麼不捨的，要感受的我都感受到了。
謝謝各好同僚，是好友的還是會再見。不是的就唔好再見。
心照。拾生。一定返來揾大家吃飯。

mongolia

那天抱抱，終於拿到selen的照片了。重看內蒙之旅，又想去旅行！回想起竟然可以搵到幾個女丁一齊山長水遠揹背包上路就開心.可惜剛開始新工作,不能請長假...但又由於家人們這個月已回上海, 今年新年就不用回去了!希望新年可請個長假旅行, 心目中最想到印度或尼泊爾.
4Qs

火車上人人都做的-食杯麵.(好似吐杯麵)

selen的寶麗萊:小羔羊kiss me 仲有草原中的阿闊與我

真的蒙古包

set腳架影magic hour呀!快!

趕羊! (阿恩個影長到呢）

青黃不接

蒙古包內

目訓死的施清，我之前一晚party完勁醉上機,岩岩嘔完等轉機...

EN AVANT 中英文的網上時裝／設計雜誌

最近發現了一個新的網上時裝／設計雜誌 EN AVANT （法語，即英語的Forward). 除了一般的fashion news之外，還有一些new talents的article.中英對照更令人眼前一亮。有時間可看一看。

http://www.enavant.com

International Free Hugs Day - 10 sept 07 at CWB

一直都知道free hug, 香港最近都有！老友selen仲做了free hugger! 大家星期一收工記得到銅鑼灣行人專用區hug hug呀！：）

10.9.07 International Free Hugs Day (國際抱抱日-暫譯)

日期: 2007年9月10日(Mon)

地點(時間): 銅鑼灣行人專用區(6:30-8:00 pm)

鑒於這天大家都要上班/上學, 所以我們決定在黃昏開始舉行Freehugs Campaign,

各位朋友如果有興趣參與其中, 感受抱抱帶來的温暖, 請在以上時間到逹現場找當值的Huggers (高舉紙板的人)表明來意, 我們會提供紙板令大家初嘗抱抱陌生人的滋味, 還害怕什麼？一齊來抱抱身邊人吧。

歡迎自備個人的free hugs紙板, 以清晰展示free hugs字樣為主.

辭職

辭職了.總算是一個了結.
很害怕那麼多的是非, 真真假假. 我喜歡直接了當一切簡單得多. 做得不開心又影響到朋友關係, 不如不做, 無眼屎乾淨盲.離開舊同事有點捨不得, 那裡仍有好多真朋友善良人,party, dinner keep on!:) 到了新公司將又是另一新開始, 開始做senior, 可以學習design以外另一方面的東西. 仲犀利係竟又有緣與my best friend 施清重遇拍住上, 真係我的天有d野唔信都唔得.